Close
EvaluA GPS (Osasuna Sustatzeko Gidak Ebaluatu eta Aplikatu) ekintzara bideratutako elkarlanezko ikerketa-proiektua da. EvaluA GPS-ren helburua tresna bat (EVALGUÍA) diseinatzea da, osasun eta ongizatearen parte-hartze comunitarioa hobetzeko eta desberdintasunak murrizteko ebidentzian oinarritutako gidaren gomendioak praktikan jartzeko (NICE NG44 gida, Espainiako testuingurura egokitua).
Evalguía ikerketa aplikatuko lan baten bidez kodiseinatua izan da, literaturan egon daitekeen ebidentziarik onena implementazio-esperientzia eta tresnaren aplikazioarekin konbinatuz Espainiako lurraldean 13 proiektutan banatuta. Diseinu eta pilotatze prozesuari buruz gehiago jakiteko, ikusi argitalpenak eta txosten osoa.
EvalúA GPS Carlos III Institutuak finantzatua izan da, Zientzia eta Berrikuntza Ministerioarena, eta Europar Batasunak kofinantzatua Eskualde Garapenerako Europako Funtsaren bidez, Carlos III Osasun Institutuko Zuzendaritzaren Ebazpenean, O.A, M.P. ageri den bezala, honen bidez, 2017- 2020 Osasun arloko Ekintza Estrategikoaren 2019ko deialdiko Osasun arloko Ikerketa Proiektuetarako (Osasun arloko Ikerketa Proiektuen modalitatea) dirulaguntzak ematen dira, hiru institutuen parte-hartzearekin: IISA (Aragoi), FISABIO (Valentziako Erkidegoa) eta IMIBIC (Andaluzia), PI19/01079, PI19/00773 eta PI19/01525 proiektuekin hurrenez hurren; baita RICAPPS-RD21/0016/005 (Kronizitate, Lehen Mailako Arreta eta Osasunaren Prebentzio eta Sustapenaren Ikerketa Sarea) taldea ere, eta zazpi autonomia erkidegoetako osasuneko profesionalen sare-lanari esker gauzatu da: Aragoi, Andaluzia, Katalunia, Valentziako Erkidegoa, Balear Uharteak, Errioxa eta Galizia.
EvaluA GPS proiektuak bere jatorria aurreko proiektu batean du, AdaptA GPS proiektuan, «Osasun Sustapeneko Gidak Moldatu eta Aplikatu», zeinak Erresuma Batuko National Institute for Health and Care Excellence (NICE) erakundearen NG44 gidaren moldaketan eta Espainiako testuingurura egokitzean oinarritu baitzen, parte-hartze komunitarioa nola hobetu erakusten duen ebidentzian oinarrituta. AdaptA GPS 2017–2018an garatu zen, eta guztira 80 pertsonak parte hartu zuten, 10 autonomia erkidegotako 10 lan-nodotan antolatuta: Andaluzia, Aragoi, Asturias, Katalunia, Madrilgo Erkidegoa, Valentziako Erkidegoa, Extremadura, Illes Balears, Errioxa eta Murtziako Eskualdea.
Prozesu honen emaitza gisa, 2018tik eskuragarri dago Osasun Ministerioaren GuíaSalud Katalogoan parte-hartze komunitariorako praktika klinikoko gida berria: “Parte-hartze komunitarioa: osasuna eta ongizatea hobetzea eta osasunean desberdintasunak murriztea — AdaptA GPS Proiektua”. Gida honetaz gain, herritarrentzat egokitutako bertsio bat ere garatu zen. Proiektua Valentziako Generalitateko Osasun Publikoko Zuzendaritza Nagusiak bultzatu zuen, Osasun Komunitarioko Aliantzaren laguntzaz, eta GuíaSalud-ek (Osasun Ministerioa) eta Aragoiko Osasun Zientzien Institutuak laguntza metodologikoa eman zuten. Herritarren bertsioa garatzeko, Espainiako Udalerri eta Probintzien Federazioarekin (FEMP) eta Espainiako Hiri Osasuntsuen Sarearekin (RECS) elkarlanean aritu zen.
Aragoiko prozesuaren ardura Aragoiko Lehen Mailako Arretako Ikerketa Taldeak (GAIAP), Aragoiko Osasun Ikerketako Institutukoak (IIS Aragón), izan zuen, Aragoiko Osasun Sistemaren Arreta Komunitarioko Estrategiarekin —Lehen Mailako Arreta— elkarlanean.
